三色椒

含豐富抗氧化物，有助平衡燒烤產生嘅致癌物。烤菜時可用錫紙包裹，更能保留較多營養。

菇菌類

新鮮菇菌類除了帶有鮮味，還富有口感。選用大隻鮮冬菇、厚切杏鮑菇等較豐厚多汁嘅菇類作為BBQ配料，食得更滋味。

澱粉質類蔬菜

除了燒麵包，下次可多選如番薯、粟米、南瓜等帶有澱粉質嘅蔬菜類，補充碳水化合物之餘，亦可攝取纖維。

素雞、蜂巢豆腐

好多素食食物都含有豐富蛋白質，以素雞及蜂巢豆腐為例，吃3至4件，就已經可以攝取到一份蛋白質。同時，只要加少少鹽及黑椒，再燒兩燒，就已經食得啦！

植物肉

植物肉必定是素食BBQ首選。除咗營養豐富，燒烤起上來還會因為「梅納效應」而像真肉一樣會有顏色上嘅轉變。不論視覺還是味覺，都會帶來驚喜！